வைக்கோல் கட்டுகள் தீயில் எரிந்து நாசம்

பாவூர்சத்திரம்:

பாவூர்சத்திரம் அருகே ஆவுடையானூர் கைக்கொண்டார் தெருவைச் சேர்ந்தவர் திருமலை முருகன் (வயது 50) விவசாயி. இவர் தனது வயலில் நெல் அறுவடை செய்த வைக்கோலை தனது வீட்டின் அருகே உள்ள காலி இடத்தில் வைத்திருந்தார். இந்நிலையில் நேற்று முன்தினம் மாலையில் எதிர்பாராதவிதமாக வைக்கோல் கட்டுகள் தீப்பிடித்து எரிந்தது. இதுகுறித்து சுரண்டை தீயணைப்பு நிலையத்திற்கு தகவல் தெரிவிக்கப்பட்டது. அதன்பேரில் நிலைய அலுவலர் முத்து செல்வம், சிறப்பு நிலைய அலுவலர் ரவீந்திரன் தலைமையில் தீயணைப்பு வீரர்கள் விரைந்து வந்து தீயை அணைத்தனர். மேலும். இந்த சம்பவம் குறித்து பாவூர்சத்திரம் போலீசார் விசாரணை நடத்தி வருகின்றனர்.