கூடலூரில் சாரல் மழை

கூடலூர் மற்றும் அதன் சுற்றுவட்டார பகுதியில் கடந்த சில நாட்களாக வெயிலின் தாக்கம் அதிகரித்து காணப்பட்டது. இந்நிலையில் நேற்று காலையில் வானில் மேக கூட்டங்கள் திரண்டு நின்றன. இதையடுத்து சிறிது நேரத்தில் சாரல் மழை பெய்ய தொடங்கியது. இந்த மழை சுமார் ½ மணி நேரம் நீடித்தது. இதன் காரணமாக வெப்பம் தணிந்து குளிர்ச்சியான சூழல் நிலவியதால் பொதுமக்கள், விவசாயிகள் மகிழ்ச்சி அடைந்துள்ளனர். இதேபோல், லோயர்கேம்ப், குமுளி, தேக்கடி பகுதிகளிலும் மழை பெய்தது.