சாலை பணிகளின் தரம் குறித்து நெடுஞ்சாலைத்துறையினர் ஆய்வு

வேதாரண்யம்:

நாகை கோட்டம், வேதாரண்யம் உட்கோட்டத்தில் நடைபெற்று வரும் சாலை பணிகளை திருச்சி, நெடுஞ்சாலைத்துறை, நபார்டு மற்றும் கிராமச்சாலைகள் வட்டத்தின் கண்காணிப்பு பொறியாளர் விஜயலட்சுமி தலைமையிலான என்ஜினீயர் குழுவினர் ஆய்வு செய்தனர்.இந்த குழுவினர் செங்காதலைபாலம் - வேதாரண்யம் சாலையில் மேற்கொள்ளப்பட்டு சாலைப்பணிகளை ஆய்வு செய்தனர். இந்த ஆய்வின் போது தஞ்சை நெடுஞ்சாலைத்துறை, நபார்டு மற்றும் கிராம சாலைகள் கோட்டப்பொறியாளர் சரவணன், நாகை நெடுஞ்சாலைத்துறை, கட்டுமானம், பராமரிப்பு, கோட்டப்பொறியாளர் நாகராஜன், நெடுஞ்சாலைத்துறை உதவி கோட்ட பொறியாளர்கள், உதவி பொறியாளர்கள் உடனிருந்தனர்.