புனித வனத்து சின்னப்பர் ஆலய தேர் பவனி

விழுப்புரம்:

விழுப்புரம் அருகே கல்பட்டு கிராமத்தில் புகழ்பெற்ற புனித வனத்து சின்னப்பர் தேவாலயம் உள்ளது. இந்த ஆலயத்தில் 121-ம் ஆண்டுப்பெருவிழா கடந்த மாதம் 31-ந் தேதியன்று கொடியேற்றத்துடன் தொடங்கியது. தொடர்ந்து, ஒவ்வொரு நாளும் காலையில் திருப்பலி நிகழ்ச்சியும், மாலையில் நவநாள் திருப்பலி, தேர் பவனியும் நடைபெற்றது. அதனை தொடர்ந்து விழாவின் முக்கிய நிகழ்வாக நேற்று அதிகாலை 5.30 மணிக்கு திருப்பலியும், காலை 8 மணிக்கு பெருவிழா ஆடம்பர கூட்டு திருப்பலியும், காலை 11 மணி, மாலை 3 மணி, 6 மணிக்கு திருப்பலியும், இரவு 8 மணிக்கு தேவநற்கருணை ஆசிரும் நடந்தது.

அதன் பின்னர் இரவு 9.30 மணியளவில் ஆடம்பர தேர் பவனி நடைபெற்றது. இதையொட்டி வண்ண, வண்ண மின் விளக்குகளால் அலங்கரிக்கப்பட்ட தேரில் புனித வனத்து சின்னப்பர் சொரூபம் அமர்த்தப்பட்டு கல்பட்டு கிராமத்தின் முக்கிய வீதிகள் வழியாக தேர் பவனியாக வந்து மீண்டும் தேவாலயத்தை வந்தடைந்தது. தொடர்ந்து, ஆலயத்தில் நடந்த சிறப்பு பிரார்த்தனையில் ஏராளமான கிறிஸ்தவர்கள் கலந்துகொண்டு வழிபட்டனர். விழாவின் இறுதியாக நேற்று காலை 6 மணிக்கு நன்றி திருப்பலியும், கொடியிறக்கமும் நடைபெற்றது.