புனித பரலோக அன்னை ஆலய தேர் பவனி

சாயல்குடி

சாயல்குடி அருகே நரிப்பையூர் பெரியநாயகிபுரம் புனித பரலோக அன்னை ஆலய தேர்த்திருவிழா நடைபெற்றது. இத்திரு விழாவை முன்னிட்டு கடந்த 6-ந் தேதி கொடியேற்றத்துடன் திருவிழா தொடங்கியது. ஜெபமாலை பவனி, திருப்பலி, நற்கருணை பவனி நடந்தது. விழாவில் நேற்று சப்பர பவனி தொடர்ந்து திருவிழா திருப்பலியும் நடைபெற்றது. மேலும் நற்கருணை ஆசீர் வழங்கப்பட்டது. இந்நிகழ்ச்சியில் பெரிய நாயகிபுரம் கிராமமக்கள், நரிப்பையூர், சாயல்குடி, கன்னிராஜபுரம், உள்ளிட்ட பல்வேறு பகுதிகளில் இருந்து ஆயிரத்திற்கும் மேற்பட்டோர் கலந்து கொண்டனர்.