வீடு புகுந்து பெண் மீது தாக்குதல்

குலசேகரன்பட்டினம்:

உடன்குடி புதுமனை பள்ளிவாசல் தெருவைச் சேர்ந்தவர் குமரன். இவர் கோவையில் லாரி டிரைவராக வேலை செய்து வருகிறார். இவரது மனைவி வனபார்வதி (வயது 32). வாடகை வீட்டில் வசித்து வருகிறார். குமரன், அதேபகுதியைச் பாலகிருஷ்ணன் என்பவரிடம் ரூ.50 ஆயிரம் கடன் வாங்கியுள்ளார். நீண்ட நாள்களாக திருப்பித் தராமல் வாங்கி பணத்தை அவர் தரவில்லை எனகூறப்படுகிறது. இந்நிலையில் நேற்று முன்தினம் வனபார்வதி வீட்டில் தனியாக இருக்கும்போது பாலகிருஷ்ணன் அத்துமீறி உள்ளே நுழைந்து அவரை இரும்பு கம்பியால் அடித்து தாக்கியுள்ளார். இதில் பலத்த காயமடைந்த அவர் தூத்துக்குடி அரசு மருத்துவமனையில் சிகிச்சை பெற்று வருகிறார். இதுகுறித்து அவர் அளித்த புகாரின் பேரில் குலசேகரன்பட்டினம் போலீசார், பாலகிருஷ்ணன் மீது வழக்கு பதிவு செய்து விசாரணை நடத்தி வருகின்றனர்.