பெரியகுளம் அருகே பண்ணை வீட்டில்நிர்வாகிகளுடன் ஓ.பன்னீர்செல்வம் ஆலோசனை

முன்னாள் முதல்-அமைச்சர் ஓ.பன்னீர்செல்வம் ஒவ்வொரு மாவட்டத்திற்கும் புதிதாக நிர்வாகிகளை நியமித்து வருகிறார். இதனைத் தொடர்ந்து அவர்களுடன் ஆலோசனையும் நடத்தி வருகிறார். இந்நிலையில் புதிதாக நியமிக்கப்பட்ட மாவட்ட செயலாளர்கள் மற்றும் மாநில நிர்வாகிகள் கூட்டம் சென்னையில் நடைபெற்றது. இந்நிலையில் நேற்று பெரியகுளம் அருகே கைலாசப்பட்டியில் உள்ள பண்ணை வீட்டில் சிவகங்கை மாவட்ட செயலாளர் அசோகன் தலைமையில் புதிதாக நியமிக்கப்பட்ட நிர்வாகிகள் ஓ.பன்னீர்செல்வத்தை சந்தித்தனர்.

அதேபோல் மாநில கொள்கை பரப்புச் செயலாளர் மருது அழகுராஜ் மற்றும் தூத்துக்குடி வடக்கு மாவட்ட செயலாளர் வினோபாஜி தலைமையில் நிர்வாகிகள் சந்தித்தனர். அவர்கள் ஓ.பன்னீர்செல்வத்திற்கு சால்வை அணிவித்து வாழ்த்து பெற்றனர். பின்னர் நிர்வாகிகளுடன் அவர் ஆலோசனை நடத்தினார்.