மோட்டார்சைக்கிள் விபத்தில் வியாபாரி பலி

விருதுநகர் மாவட்டம் ராஜபாளையம் பகுதியை சேர்ந்தவர் செல்வராஜ் (வயது 62). இவர் தொலைதூர ஊர்களுக்கும் மோட்டார் சைக்கிளில் சென்று தரைவிரிப்புகள், போர்வைகளை வியாபாரம் செய்து வந்தார். இந்த நிலையில் நேற்று ராணிப்பேட்டை மாவட்டம் அரக்கோணத்தை அடுத்த நாரணமங்கலம் கிராமம் முஸ்லீம் நகர் பகுதியில் மோட்டார் சைக்கிளில் திருப்பதி - சென்னை நெடுஞ்சாலையை கடந்துள்ளார்.

அப்போது அடையாளம் தெரியாத வாகனம் மோதியதில் பலத்த காயம் அடைந்தார். உடனே ஆம்புலன்ஸ் மூலம் திருத்தணி அரசு மருத்துவமனைக்கு கொண்டு சென்ற போது வழியிலேயே பரிதாபமாக இறந்தார். இது குறித்து அரக்கோணம் தாலுகா போலீசார் வழக்குப் பதிவு செய்து விசாரணை நடத்தி வருகின்றனர்.