அந்தியூரில் ரூ.3 லட்சத்துக்கு வெற்றிலை விற்பனை

அந்தியூர் வாரச்சந்தையில் வெற்றிலை விற்பனை நடைபெற்றது. இந்த சந்தைக்கு அந்தியூர், அத்தாணி, ஆப்பக்கூடல் உள்பட பல்வேறு பகுதிகளில் இருந்து வெற்றிலைகளை விவசாயிகள் விற்பனைக்காக கொண்டு வந்திருந்தனர். 100 வெற்றிலைகளை கொண்டது ஒரு கட்டு ஆகும். இதில் ராசி வெற்றிலை கட்டு ஒன்று குறைந்தபட்ச விலையாக ரூ.50-க்கும், அதிகபட்ச விலையாக ரூ.70-க்கும், பீடா வெற்றிலை குறைந்தபட்ச விலையாக ரூ.30-க்கும், அதிகபட்ச விலையாக ரூ.40-க்கும் என மொத்தம் ரூ.3 லட்சத்துக்கு விற்பனை ஆனது. ஈரோடு, திருப்பூர், பொள்ளாச்சி, மேட்டூர் உள்பட பல்வேறு பகுதிகளில் இருந்து ஏராளமான வியாபாரிகள் இங்கு வந்து வெற்றிலைகளை வாங்கி சென்றனர்.