அந்தியூரில் ரூ.3½ லட்சத்துக்கு வெற்றிலை விற்பனை

அந்தியூர்

அந்தியூர் வாரச்சந்தையில் வெற்றிலை விற்பனை நடந்தது. இந்த ஏலத்துக்கு அந்தியூர், அத்தாணி, ஆப்பக்கூடல், காட்டுப்பாளையம், வெள்ளையம்பாளையம், வேம்பத்தி உள்பட பல்வேறு பகுதிகளில் இருந்து ஏராளமான விவசாயிகள் வெற்றிலைகளை விற்பனைக்காக கொண்டுவந்திருந்தனர். 100 எண்ணிக்கையை கொண்டது ஒரு வெற்றிலை கட்டு ஆகும்.

ராசி வெற்றிலை கட்டு ஒன்று குறைந்தபட்ச விலையாக ரூ.70-க்கும், அதிகபட்ச விலையாக ரூ.90-க்கும், பீடா வெற்றிலை குறைந்தபட்ச விலையாக ரூ.30-க்கும், அதிகபட்ச விலையாக ரூ.40-க்கும் விற்பனை செய்யப்பட்டது. வெற்றிலை மொத்தம் ரூ.3 லட்சத்து 50 ஆயிரத்துக்கு ஏலம் போனது. ஈரோடு, பெருந்துறை, திருப்பூர், மேட்டூர், சத்தியமங்கலம், மேட்டுப்பாளையம் உள்பட பல்வேறு பகுதிகளில் இருந்து ஏராளமான வியாபாரிகள் இங்கு வந்து வெற்றிலைகளை வாங்கி சென்றனர்.