அந்தியூரில் ரூ.57 லட்சத்துக்கு பருத்தி விற்பனை

அந்தியூர்

அந்தியூர் ஒழுங்குமுறை விற்பனைக்கூடத்தில் பருத்தி ஏலம் நடைபெற்றது. இந்த ஏலத்துக்கு அந்தியூர், வெள்ளித்திருப்பூர், சென்னம்பட்டி, பர்கூர், கள்ளிப்பட்டி, ஒலகடம், அத்தாணி உள்பட பல்வேறு பகுதிகளில் இருந்து ஏராளமான விவசாயிகள் 2 ஆயிரத்து 197 மூட்டைகளில் பருத்தியை விவசாயிகள் விற்பனைக்காக கொண்டு வந்திருந்தனர். இது குவிண்டால் ஒன்று குறைந்தபட்ச விலையாக ரூ.8 ஆயிரத்து 686-க்கும், அதிகபட்ச விலையாக ரூ.11 ஆயிரத்து 89-க்கும் என மொத்தம் ரூ.57 லட்சத்து 18 ஆயிரத்து 470-க்கு ஏலம் போனது. திருப்பூர், கோவை, ஈரோடு, எடப்பாடி உள்பட பல்வேறு பகுதிகளில் இருந்து வியாபாரிகள் இங்கு வந்து போட்டி போட்டு பருத்தியை ஏலம் எடுத்துச் சென்றனர்.