கடலூரில் மாடிப்படியில் இருந்து தவறி விழுந்து மூதாட்டி சாவு

கடலூர் அண்ணாநகரை சேர்ந்தவர் துரைராஜ் மனைவி சுதா (வயது 65). இவரது வீட்டின் மாடியில் தற்போது வீட்டு வேலை நடந்து கொண்டிருக்கிறது. இதில் வேலை பார்க்கும் தொழிலாளர்களுக்கு டீ கொடுப்பதற்காக நேற்று காலை சுதா, மாடிக்கு சென்று கொண்டிருந்தார். அப்போது எதிர்பாராதவிதமாக மாடி படியில் இருந்து தவறி கீழே விழுந்தார். இதில் படுகாயத்துடன் உயிருக்கு போராடிய சுதாவை, அங்கிருந்தவர்கள் மீட்டு சிகிச்சைக்காக கடலூர் அரசு ஆஸ்பத்திரிக்கு கொண்டு சென்றனர். அங்கு அவரை பரிசோதித்த டாக்டர்கள், வரும் வழியிலேயே சுதா இறந்து விட்டதாக தெரிவித்தனர். இதுகுறித்த புகாரின் பேரில் கடலூர் புதுநகர் போலீசார் வழக்குப்பதிவு செய்து விசாரணை நடத்தி வருகின்றனர்.