ஈரோடு மாவட்டத்தில் புதிதாக 46 பேருக்கு கொரோனா

ஈரோடு மாவட்டத்தில் நேற்று முன்தினம் 828 பேருக்கு கொரோனா பரிசோதனை செய்யப்பட்டதில் 45 பேருக்கு தொற்று கண்டறியப்பட்டது. இந்தநிலையில் நேற்று புதிதாக 46 பேருக்கு கொரோனா தொற்று உறுதியானது. இதனால் மொத்த பாதிப்பு எண்ணிக்கை 1 லட்சத்து 34 ஆயிரத்து 726 ஆக உயர்ந்தது. இதில் 1 லட்சத்து 33 ஆயிரத்து 619 பேர் குணமடைந்தனர். நேற்று மட்டும் 65 பேர் கொரோனாவில் இருந்து மீண்டனர். தற்போது 373 பேர் சிகிச்சை பெற்று வருகிறார்கள். இதுவரை கொரோனாவுக்கு 734 பேர் பலியாகி உள்ளனர்.