கோபியில் நகராட்சி நிர்வாக மண்டல இயக்குனர் ஆய்வு

திருப்பூர் நகராட்சி நிர்வாக மண்டல இயக்குனர் இளங்கோவன் கோபிக்கு வந்தார். பின்னர் அவர் கோபி மின் நகர் மற்றும் பிருந்தாவன் கார்டன் பகுதிகளில் கலைஞர் நகர்ப்புற மேம்பாட்டு திட்டத்தின் கீழ் நடைபெறும் பூங்கா அமைப்பதற்கான பணிகளை நேரில் ஆய்வு செய்தார். இதைத்தொடர்ந்து புதிய தினசரி சந்தை வளாகம் கட்டுமான பணிகளையும், மொடச்சூர் வாரச்சந்தை கடைகள் கட்டுமான பணிகளையும், அறிவுசார் மையம் கட்டுமான பணிகளையும் ஆய்வு செய்தார். இதேபோல் கோபி பஸ் நிலையத்தில் கட்டி முடிக்கப்பட்டு உள்ள ஸ்மார்ட் டாய்லெட் பணிகள், திடக்கழிவு மேலாண்மையில் நுண் உர கூட செயலாக்கம் மைய பணிகள் உள்பட பல்வேறு வளர்ச்சி திட்ட பணிகளை பார்வையிட்டு ஆய்வு செய்தார்.

ஆய்வின்போது, நகராட்சி தலைவர் என்.ஆர்.நாகராஜ், ஆணையாளர் பிரேம் ஆனந்த், பொறியாளர் சிவக்குமார், உதவி பொறியாளர்கள் ராஜேஷ், பிரேமா, துப்புரவு அலுவலர் சோழராஜ், துப்புரவு ஆய்வாளர்கள் செந்தில்குமார், கார்த்திக், சவுந்திரராஜன், கவுன்சிலர்கள் பலர் கலந்து கொண்டனர்.