இளையரசனேந்தல் கிராமத்தில்தி.மு.க. தெருமுனை பிரசார கூட்டம்

நாலாட்டின்புத்தூர்:

நாலாட்டின்புத்தூர் அருகே உள்ள இளையரசனேந்தல் கிராமத்தில் தி.மு.க. சார்பில் முதல்-அமைச்சர் மு.க. ஸ்டாலின் 70-வது பிறந்த நாளை முன்னிட்டு தெருமுனை பிரசாரகூட்டம் நடைபெற்றது.

கூட்டத்திற்கு தென்காசி வடக்கு மாவட்ட செயலாளரும், சங்கரன்கோவில் தொகுதி எம்.எல்.ஏவுமான ராஜா தலைமை தாங்கினார். குருவிகுளம் கிழக்கு ஒன்றிய செயலாளர் கிறிஸ்டோபர் முன்னிலை வகித்தார். தலைமை கழகபேச்சாளர் வேங்கை சந்திரசேகர் கலந்து கொண்டு பேசினார். கூட்டத்தில் மாவட்ட துணை செயலாளர் ராஜதுரை, மேலநீலிதநல்லூர் ஒன்றிய செயலாளர் பெரியதுரை மற்றும் கிளை செயலாளர்கள், ஒன்றிய நிர்வாகிகள் உள்பட பலர் கலந்து கொண்டனர்.