கருங்கல்பாளையம் சந்தையில்90 சதவீத மாடுகள் விற்பனை

ஈரோடு கருங்கல்பாளையம் மாட்டு சந்தைக்கு நேற்று தமிழகத்தின் பல்வேறு பகுதிகளில் இருந்து விற்பனைக்காக விவசாயிகள் மாடுகளை கொண்டு வந்தனர். 300 எருமை மாடுகளும், 350 பசு மாடுகளும் என மொத்தம் 650 மாடுகள் வந்தன. இதில் எருமை மாடு ஒன்று ரூ.25 ஆயிரம் முதல் ரூ.60 ஆயிரம் வரையும், பசுமாடு ஒன்று ரூ.25 ஆயிரம் முதல் ரூ.85 ஆயிரம் வரையும் விலை போனது. இந்த மாடுகளை தமிழகத்தின் பல்வேறு மாவட்டங்கள் மற்றும் கேரளா, ஆந்திரா, கர்நாடகா, தெலுங்கானா மாநில வியாபாரிகள், விவசாயிகளிடம் நேரடியாக விலைபேசி வாங்கி வாகனங்களில் ஏற்றிச்சென்றனர்.

கேரளா, கர்நாடகா, ஆந்திரா, தெலுங்கானா மாநிலங்களில் மழை பெய்வதால் அங்கு பசுந்தீவனம் தட்டுப்பாடின்றி கிடைக்கிறது. இதனால் அந்த மாநிலங்களை சேர்ந்த வியாபாரிகள் அதிக எண்ணிக்கையிலான மாடுகளை வாங்கிச்சென்றனர். நேற்று வரத்தான மாடுகளில் 90 சதவீத மாடுகள் விற்பனையானதாக சந்தை நிர்வாகிகள் தெரிவித்தனர்.