கொங்கர்பாளையம் வனப்பகுதியில் பாறையில் இருந்து தவறி விழுந்த யானை சாவு

டி.என்.பாளையம்

சத்தியமங்கலம் புலிகள் காப்பகம் டி.என்.பாளையம் வனச்சரகத்துக்குட்பட்ட கொங்கர்பாளையம் காவல் சுற்று பகுதியில் டி.என்.பாளையம் வனத்துறையினர் நேற்று ரோந்து பணியில் ஈடுபட்டு இருந்தனர். சூரம்பாறை சரகத்துக்குட்பட்ட இச்சிமரக் கொடிக்கால் என்ற இடத்தில் சென்றபோது 40 வயதுடைய ஆண் யானை ஒன்று பாறையில் இருந்து தவறி விழுந்து இறந்து கிடந்தது. பின்னர் யானையை உடற்கூறு ஆய்வு செய்து, உடல் மற்ற வனவிலங்குகளுக்கு உணவாக அங்கேயே விட்டனர்.