கோவில்பட்டி கோவிலில் கார்த்திகை சோமவார விழா

கோவில்பட்டி:

கோவில்பட்டி வீரவாஞ்சிநகர் சங்கரலிங்க சுவாமி சமேத சங்கரேஸ்வரி அம்மன் புற்றுக் கோவிலில் கார்த்திகை சோமவார சிறப்பு பூஜை நடைபெற்றது. இதனையொட்டி காலை 11 மணிக்கு சங்கல்பம், கணபதி பூஜை, ஸ்பதன கும்பகலச பூஜை, 108 சங்கு பூஜை, சிறப்பு தீபாராதனை நடைபெற்றது. தொடர்ந்து சங்கரலிங்க சுவாமிக்கு 18 வகை திரவியங்களால் சிறப்பு அபிஷேகமும், 108 சங்காபிஷேகம் அலங்கார தீபாராதனை நடைப்பெற்றது. இதில் சுற்றுவட்டார பக்தர்கள் திரளாக கலந்து கொண்டு சுவாமி தரிசனம் செய்தனர்.