பெருந்துறையில்காரில் மது பாட்டில்கள் கடத்தியவர் கைது

பெருந்துறை

பெருந்துறை போலீஸ் சப்-இன்ஸ்பெக்டர் ராமச்சந்திரன் மற்றும் போலீசார் நேற்று காலை பெருந்துறை - கோவை ரோட்டில் வாகன தணிக்கையில் ஈடுபட்டிருந்தனர். அப்போது அந்த வழியாக வந்த கார் ஒன்று போலீசார் நிற்பதை பார்த்ததும், வந்த வழியாக திரும்பி செல்ல முயற்சித்தது. உடனே போலீசார் அந்த காரை மடக்கி பிடித்து சோதனை செய்தனர். அதில் 48 மது பாட்டில்கள் பதுக்கி வைக்கப்பட்டிருந்தது தெரிய வந்தது.

இதையடுத்து அந்த காரை ஓட்டி வந்த நபரை பிடித்து போலீசார் விசாரணை நடத்தினர். விசாரணையில் அவர் திருப்பூர் மாவட்டம் போயம்பாளையத்தை சேர்ந்த சுரேஷ்குமார் (வயது40) என்பதும், அதிக விலைக்கு விற்பதற்காக மது பாட்டில்களை கடத்தி வந்ததாகவும் தெரியவந்தது. இதைத்தொடர்ந்து அவரை போலீசார் கைது செய்தனர்.