முத்தையாபுரத்தில் மின்சாரம் தாக்கி பெயிண்டர் பலி

ஸ்பிக்நகர்:

தூத்துக்குடி அருகே உள்ள முத்தையாபுரம் சண்முகபுரத்தை சேர்ந்தவர் நாராயணன் (வயது 56). பெயிண்டராக வேலை பார்த்து வந்தார். இவர் வீட்டில் துணிகளை இஸ்திரி செய்து கொண்டிருந்தார். அப்போது எதிர்பாராதவிதமாக அயன் பாக்ஸ்சில் மின்கசிவு ஏற்பட்டது. இதனால் அவரது உடலில் மின்சாரம் பாய்ந்து‌ சம்பவ இடத்திலேயே பரிதாபமாக உயிரிழந்தார். இதுகுறித்து முத்தையாபுரம் போலீஸ் இன்ஸ்பெக்டர் ஜெயசீலன் வழக்குப்பதிவு செய்து விசாரணை நடத்தி வருகிறார்.