சத்தியமங்கலம் மார்க்கெட்டில்கனகாம்பரம் கிலோ ரூ.600-க்கு ஏலம்

சத்தியமங்கலம்

சத்தியமங்கலத்தில் உள்ள கரட்டூர் ரோட்டில் பூ மார்க்கெட் செயல்பட்டு வருகிறது. தினமும் நடைபெறும் மார்க்கெட்டில் நேற்று காலை 7 மணிக்கு பூக்கள் ஏலம் தொடங்கியது. நேற்று நடந்த ஏலத்துக்கு 4 டன் பூக்களை விவசாயிகள் விற்பனைக்காக கொண்டு வந்திருந்தனர்.

நேற்று நடந்த ஏலத்தில் மல்லிகைப்பூ கிலோ ஒன்று ரூ.350-க்கும், முல்லை ரூ.180-க்கும், காக்கடா ரூ.150-க்கும், செண்டுமல்லி ரூ.52-க்கும், பட்டுப்பூ ரூ.91-க்கும், சாதிமல்லி ரூ.400-க்கும், கனகாம்பரம் ரூ.600-க்கும், அரளி ரூ.160-க்கும், துளசி ரூ.40-க்கும், செவ்வந்தி ரூ.140-க்கும், சம்பங்கி ரூ.140-க்கும் ஏலம் போனது.