வேளாண் ஒழுங்கு முறை கூடத்தில் ரூ.25 லட்சத்துக்கு நிலக்கடலை விற்பனை

கரூர் மாவட்டம், சாலைப்புதூரில் வேளாண் ஒழுங்கு முறை விற்பனை கூடம் செயல்பட்டு வருகிறது. இங்கு வாரந்தோறும் தேங்காய், தேங்காய் பருப்பு, கருப்பு எள், சிவப்பு எள், வெள்ளை எள், நிலக் கடலை காய் ஆகியவற்றுக்கான ஏலம் நடைபெறுகிறது. இதில் அருகே உள்ள கரூர், க.பரமத்தி ஒன்றியம் பகுதிகளை சேர்ந்த விவசாயிகள் தாங்கள் விளைவித்த வேளாண் பொருட்களை விற்பனைக்கு கொண்டு வருகின்றனர். இங்கு நடைபெறும் ஏலத்தில் தமிழகம் மற்றும் வெளி மாநிலங்களை சேர்ந்த வியாபாரிகள் மற்றும் எண்ணெய் நிறுவன முகவர்கள் கலந்து கொண்டு பொருட்களை வாங்கி செல்கின்றனர். அதன்படி இந்த வாரம் நடந்த ஏலத்தில் நிலக்கடலை காய் 349.66 குவிண்டால் எடை கொண்ட 1,116 மூட்டை நிலக்கடலை காய் விற்பனைக்கு வந்தது. இதில் கிலோ ஒன்றுக்கு அதிகபட்ச விலையாக ரூ.79.80-க்கும், குறைந்தபட்ச விலையாக ரூ.64.39-க்கும், சராசரி விலையாக ரூ.78.30-க்கும் என ரூ24.லட்சத்து 98 ஆயிரத்து 325-க்கு விற்பனையானது.