மாவட்டத்தில்புதிதாக 8 பேருக்கு கொரோனா

ஈரோடு மாவட்டத்தில் நேற்று முன்தினம் 102 பேருக்கு பரிசோதனை செய்ததில் 7 பேருக்கு கொரோனா தொற்று இருந்தது. இந்த நிலையில் நேற்று மாவட்டத்தில் மேலும் புதிதாக 8 பேருக்கு கொரோனா பாதிப்பு ஏற்பட்டுள்ளது.

இதனால் மொத்த பாதிப்பு எண்ணிக்கை ஒரு லட்சத்து 36 ஆயிரத்து 772 ஆக உயர்ந்தது. இதற்கிடையில் நேற்று 6 பேர் கொரோனா தொற்றில் இருந்து மீண்டுள்ளனர். இதுவரை மாவட்டத்தில் ஒரு லட்சத்து 36 ஆயிரத்து 1 பேர் கொரோனா தொற்றில் இருந்து குணமடைந்துள்ளனர். 734 பேர் இறந்துள்ள நிலையில் தற்போது தொற்று உள்ள 37 பேர் பல்வேறு மருத்துவமனைகளில் சிகிச்சை பெற்று வருகிறார்கள். மாவட்டத்தில் கொரோனா தொற்று படிப்படியாக உயர்ந்து வருவதால் பொதுமக்கள் அச்சம் அடைந்து வருகிறார்கள்.