மாவட்ட கலெக்டர் அலுவலகத்தில்ஊராட்சி தலைவர்களுக்கான ஆலோசனை கூட்டம்

தேனி மாவட்ட கலெக்டர் அலுவலக கூட்ட அரங்கில் ஊராட்சி தலைவர்களுக்கான ஆலோசனை கூட்டம் நேற்று நடந்தது. மாவட்ட கலெக்டர் முரளிதரன் தலைமை தாங்கினார். கூட்டத்தில், கொரோனா தொற்று தடுப்பு நடவடிக்கைகள், முதல்-அமைச்சர் கோப்பைக்கான போட்டிகள் நடத்துதல், பள்ளி மாணவ, மாணவிகளின் இடைநிற்றலை தடுத்தல், ஜல்ஜீவன் திட்டத்தை அனைத்து ஊராட்சிகளிலும் செயல்படுத்துவது உள்ளிட்டவை குறித்து ஆலோசனை செய்யப்பட்டது.

கூட்டத்தில், மாவட்ட ஊரக வளர்ச்சி முகமை திட்ட இயக்குனர் தண்டபாணி, முதன்மை கல்வி அலுவலர் செந்தில் முருகன், சுகாதார பணிகள் துணை இயக்குனர் போக் ஷோ ராஜா, ஊராட்சிகளின் உதவி இயக்குனர் அண்ணாதுரை, மாவட்ட விளையாட்டு அலுவலர் முருகன் மற்றும் வட்டார வளர்ச்சி அலுவலர்கள், ஊராட்சி தலைவர்கள் பலர் கலந்து கொண்டனர்.