திருச்செந்தூர் கோட்டத்தில்மின் இணைப்புடன் ஆதார் எண்ணை இணைக்கும் சிறப்பு முகாம்

திருச்செந்தூர்:

திருச்செந்தூர் கோட்டத்தில் மின் நுகர்வோர்கள் மின் இணைப்புடன் ஆதார் எண்ணை இணைக்க சிறப்பு முகாம் இன்று (திங்கள்கிழமை) முதல் வருகிற 13-ந் தேதி வரை நடக்கிறது.

இதுகுறித்து மின் விநியோக செயற்பொறியாளர் விஜயசங்கரபாண்டியன் வெளியிட்டுள்ள செய்திக்குறிப்பில் கூறியிருப்பதாவது:-

சிறப்பு முகாம்

திருச்செந்தூர் கோட்டத்தில் நுகர்வோர்கள் மின் இணைப்புடன் ஆதார் எண்ணை இணைக்கும் சிறப்பு முகாம் இன்று (திங்கள்கிழமை) முதல் வருகிற 13-ந் தேதி வரை நடைபெறுகிறது. இன்று (திங்கள்கிழமை) திருச்செந்தூர் மணல்மேடு, காயாமொழி சண்முகபுரம், பரமக்குறிச்சி அரங்கன்விளை, காயல்பட்டினம் கோமான் தெரு, ஆறுமுகநேரி காமராஜபுரம், குரும்பூர் வரண்டிவேல், சாத்தான்குளம் பண்டாரபுரம் ரஸ்தா, கொம்பன்குளம், பழனியப்பபுரம் அம்பலசேரி, நாசரேத் மில் ரோடு, ஆழ்வார்திருநகரி மலவராயநத்தம், மெஞ்ஞானபுரம் சத்யாநகர், உடன்குடி விநாயகர் காலனி, ஆர்.சி.தெரு, புதுத்தெரு, பரதர் தெரு, ஜக்கம்மாள் காலனி, செட்டியாபத்து, படுக்கப்பத்து உதிரமாடன் குடியிருப்பு, நடுவக்குறிச்சி புத்தன்தருவை போன்ற பகுதிகளில் நடக்கிறது.

காயல்பட்டினம்-ஆறுமுகநேரி

நாளை (செவ்வாய்க்கிழமை) திருச்செந்தூர் சன்னதிதெரு, தேரிகுடியிருப்பு, பரமன்குறிச்சி சியோன் நகர், காயல்பட்டினம் சதுக்கை தெரு, ஆறுமுகநேரி பேயன்விளை, குரும்பூர் பள்ளிவாசல் தெரு, சாத்தான்குளம் பெருமாள்சாமி கோவில் தெரு, நெடுங்குளம், பழனியப்பபுரம் கருங்கடல், நாசரேத் ஜூபிளி தெரு, ஆழ்வார்திருநகரி ஆதிநாதபுரம், உடன்குடி முத்துகிருஷ்ணாபுரம், இடைச்சிவிளை, கொட்டங்காடு, சிறுநாடார் குடியிருப்பு, சுண்டங்கோட்டை, தட்டார்மடம் வைரவம் போன்ற பகுதிகளிலும்,

நாளை மறுநாள் (புதன்கிழமை) திருச்செந்தூர் ரத வீதி, கிருஷ்ணா நகர், நா.முத்தையாபுரம், காயல்பட்டினம் அப்பாபள்ளி தெரு, ஆறுமுகநேரி எல்.ஆர். நகர், நாலுமாவடி, சாத்தான்குளம் பஜார் சுற்றுப்பகுதி, இலமால்குளம், பழனியப்பபுரம் வீராக்குளம், நாசரேத் மர்க்காசிஸ் தெரு, கேம்பலாபாத், மெஞ்ஞானபுரம் ராமசாமிபுரம், உடன்குடி சிவலூர், சிவலூர் காலனி, அன்பின்நகரம், கொம்மடிக்கோட்டை, மேல நடுவக்குறிச்சி போன்ற பகுதிகளிலும்,

காயாமொழி-சாத்தான்குளம்

12-ந் தேதி (வியாழக்கிழமை) திருச்செந்தூர் வெயிலுகந்தம்மன் கோவில் தெரு, காயாமொழி குருநாதபுரம், பரமன்குறிச்சி மறவன்விளை, காயல்பட்டினம் சிவன் கோவில் தெரு, புன்னக்காயல், குரும்பூர் புறையூர், சாத்தான்குளம் வீரகுமார பிள்ளை தெரு, காமராஜர் நகர், நொச்சிக்குளம், புளியங்குளம், வெள்ளரிக்காய்யூரணி, குரங்கனி, நங்கைமொழி, உடன்குடி பண்டாரஞ் செட்டிவிளை, சாதரக்கோன்விளை, ரங்கநாதபுரம், சோமநாதபுரம், பிறைகுடியிருப்பு, சொக்கன்குடியிருப்பு, இடச்சிவிளை, எழில்நகர் ஆகிய பகுதிகளில் நடக்கிறது.

13-ந் தேதி (வெள்ளிக்கிழமை) திருச்செந்தூர் குமாரபுரம், காயாமொழி பள்ளிவாசல் அருகில், காயல்பட்டினம் நைனார்தெரு, சேர்ந்தபூமங்கலம், கூரந்தன்விளை, சாத்தான்குளம் தோப்புவனம் ரோடு, செட்டிகுளம், தெற்கு பேய்குளம், நாசரேத் வைத்தியலிங்கபுரம், திருக்கழூர், மெஞ்ஞானபுரம் வள்ளியம்மாள்புரம், உடன்குடி சந்தடியூர், மாரியம்மாள்புரம், கூழையன்குண்டு, படுக்கப்பத்து மறக்குடி தெரு, தட்டார்மடம் அண்ணாநகர் ஆகிய பகுதிகளில் சிறப்பு முகாம் நடக்கிறது. இந்த சிறப்பு முகாமை பொதுமக்கள் பயன்படுத்திக் கொள்ள வேண்டும். இவ்வாறு அவர் தெரிவித்துள்ளார்.