தூத்துக்குடியில்5 அடி நீள சாரைப்பாம்பு பிடிபட்டது

தூத்துக்குடி பிரையண்ட்நகர் 6-வது தெருவில் பேச்சியம்மாள் என்பவரின் வீடு உள்ளது. இந்த வீட்டின் முன்பு நேற்று காலையில் ஒரு பெரிய பாம்பு வந்தது. இந்த பாம்பு வீட்டின் சுவர் ஓரத்தில் அடுக்கி வைக்கப்பட்டு இருந்த செங்கலின் உள்ளே சென்று பதுங்கி கொண்டது. இது குறித்து தூத்துக்குடி தீயணைப்பு படையினருக்கு தகவல் தெரிவிக்கப்பட்டது. அதன்பேரில் நிலைய அலுவலர் சகாயராஜ் தலைமையில் தீயணைப்பு படை வீரர்கள் விரைந்து வந்தனர். அவர்கள் செங்கற்களின் இடையில் பதுங்கி இருந்த சுமார் 5 அடி நீள சாரைப்பாம்பை லாவகமாக பிடித்தனர். பின்னர் அந்த பாம்பை பாதுகாப்பாக வனப்பகுதியில் கொண்டு விடுவித்தனர்.