தூத்துக்குடியில்இளம்பெண்ணுக்கு அரிவாள் வெட்டு

தூத்துக்குடி, தாளமுத்துநகர் நேரு காலனியை சேர்ந்தவர் மகாராஜன் (வயது 37). இவரது மனைவி அன்பு (32.) இவர்களுக்கு ஒரு மகன் ஒரு மகள் உள்ளனர், இந்த நிலையில் கணவன், மனைவி இடையே குடும்ப பிரச்சினை காரணமாக தகராறு ஏற்பட்டது, இதனால் விரக்தியடைந்த அன்பு ஒரு வருடத்திற்கு முன்பு தாளமுத்து நகரில் உள்ள அவரது பெற்றோர் வீட்டுக்கு சென்று விட்டாராம். இதனால் மகாராஜன் கடும் ஆத்திரத்தில் இருந்து வந்து உள்ளார், இந்த நிலையில் மகாராஜன் மற்றும் அவரது தந்தை சுடலைமுத்து (65) ஆகிய 2 பேரும் அன்பு வீட்டுக்கு சென்று அன்புவை அரிவாளால் வெட்டி உள்ளனர். இதில் பலத்த காயம் அடைந்த அன்பு தூத்துக்குடி அரசு ஆஸ்பத்திரியில் சிகிச்சைக்காக சேர்க்கப்பட்டார். அங்கு அவருக்கு தீவிர சிகிச்சை அளிக்கப்பட்டு வருகிறது.

இது குறித்த புகாரின் பேரில் தாளமுத்து நகர் போலீஸ் இன்ஸ்பெக்டர் மணிமாறன் வழக்கு பதிவு செய்து மகாராஜன், சுடலைமுத்து ஆகிய 2 பேரையும் கைது செய்தார்.