தூத்துக்குடியில் கோழி திருடியவர் கைது

தூத்துக்குடி வெள்ளப்பட்டியை சேர்ந்தவர் இருதயமணி (வயது 53). இவர் வெள்ளப்பட்டியில் கோழிப்பண்ணை நடத்தி வருகிறார். சம்பவத்தன்று இவரது கோழிப்பண்ணையில் இருந்த 11 கோழிகளை மர்மநபர்கள் திருடிச் சென்று விட்டனர். இதுகுறித்த புகாரின் பேரில் தாளமுத்துநகர் போலீசார் வழக்குப்பதிவு செய்து, விசாரணை நடத்தினர். விசாரணையில் வெள்ளப்பட்டி 25 வீடு காலனியை சேர்ந்த முத்து என்ற அந்தோணி செலின்ராஜ் (28), பிரதீப் (25), ராஜேஷ் (26), மைக்கேல் (26) ஆகியோர் சேர்ந்து கோழிகளை திருடியது தெரியவந்தது. இதைத் தொடர்ந்து போலீசார் அந்தோணி செலின்ராஜை கைது செய்தனர். மற்ற 3 பேரை போலீசார் தேடி வருகின்றனர்.