தூத்துக்குடியில்வாலிபரிடம் பணம் கேட்டு மிரட்டியவர் கைது

தூத்துக்குடி வடபாகம் போலீஸ் இன்ஸ்பெக்டர் பிரேம் ஆனந்த் தலைமையிலான போலீசார் ரோந்து பணியில் ஈடுபட்டு இருந்தனர். அப்போது புதிய பஸ் நிலையம் பகுதியில் சந்தேகப்படும்படியாக நின்றவரை போலீசார் பிடித்து விசாரணை நடத்தினர். விசாரணையில், அவர் தூத்துக்குடி ஸ்டேட் வங்கி காலனியை சேர்ந்தவர் கருப்பசாமி மகன் முருகன் என்ற டியோ முருகன் (வயது 23) என்பது தெரியவந்தது. இவர் அந்த பகுதியில் வந்த வாலிபர் ஒருவரை வழிமறித்து பணம் கேட்டு கத்தியை காட்டி கொலை மிரட்டல் விடுத்ததும் தெரியவந்தது. உடனடியாக போலீசார் முருகன் என்ற டியோ முருகனை கைது செய்தனர். கைது செய்யப்பட்ட முருகன் மீது ஏற்கனவே 12 வழக்குகள் நிலுவையில் இருப்பது குறிப்பிடத்தக்கது.