உமரிக்காடு ஊராட்சியில் அண்ணா மறுமலர்ச்சி திட்ட கூட்டம்

ஏரல்:

உமரிக்காடு ஊராட்சியில் கிராம அண்ணா மறுமலர்ச்சி திட்டம் அனைத்து துறை ஒருங்கிணைப்பு குழு கூட்டம் நேற்று அரசு மேல்நிலைப்பள்ளியில் ஊராட்சி மன்ற தலைவர் எஸ்.ராஜேஷ்குமார் தலைமையில் நடந்தது. துணை வட்டார வளர்ச்சி அலுவலர் சகாய ராணி முன்னிலை வகித்தார். இந்தக் கூட்டத்தில் வேளாண்மை துறை அதிகாரி சிவக்குமார், மகளிர் திட்ட அலுவலர் ஆஷா, செவிலியர் இசக்கி தங்கம், கால்நடை மருத்துவர் அன்புசெல்வி, ஊராட்சி மன்ற துணைத் தலைவர் பாஸ்கர், கிராம நிர்வாக அலுவலர் காளிராஜ், ஊராட்சி செயலாளர் வாசுதேவன் உள்பட பலர் கலந்து கொண்டனர்.