ஆதித்தனார் விலங்கியல் மன்ற தொடக்க விழா

திருச்செந்தூர்:

திருச்செந்தூர் ஆதித்தனார் கலை மற்றும் அறிவியல் கல்லூரியில் விலங்கியல் மன்ற தொடக்க விழா நடந்தது. கல்லூரி முதல்வர் மகேந்திரன் தலைமை தாங்கினார். விலங்கியல் துறைத்தலைவர் சுந்தர வடிவேல் வரவேற்று பேசினார். பொருளியல் துறைத்தலைவர் ரமேஷ் சிறப்பு அழைப்பாளராக கலந்து கொண்டு பேசினார்.

முதலாம் ஆண்டு மாணவர்களை வரவேற்கும் விதமாக வினாடி-வினா, கலைநிகழ்ச்சி நடந்தது. போட்டியில் வென்ற மாணவர்களுக்கு பரிசு வழங்கப்பட்டது. விலங்கியல் துறை ஒருங்கிணைப்பாளர் வசுமதி, மாணவ செயலாளர் சரவணன், துணை செயலாளர் ஹரிகரன் மற்றும் பேராசிரியர்கள், மாணவர்கள் கலந்து கொண்டனர். பேராசிரியர் ஆரோக்கியமேரி பெர்னாண்டஸ் நிகழ்ச்சிகளை தொகுத்து வழங்கினார். ஏற்பாடுகளை பேராசிரியர்கள் லிங்கத்துரை, மணிகண்டராஜா ஆகியோர் செய்து இருந்தனர்.