ஊத்துப்பட்டி அரசு மேல்நிலைப்பள்ளியில்ரூ.11.29 லட்சத்தில் அமைக்கப்பட்ட பேவர் பிளாக் தளம் திறப்பு விழா

கோவில்பட்டி:

கோவில்பட்டி யூனியன் ஊத்துப்பட்டி அரசு மேல்நிலைப் பள்ளியில் சட்டமன்ற உறுப்பினர் தொகுதி மேம்பாட்டு நிதியில் இருந்து ரூ.11.29 லட்சம் செலவில் பேவர் பிளாக் தளம் அமைக்கப்பட்டுள்ளது. இதை முன்னாள் அமைச்சர் கடம்பூர் ராஜூ எம்.எல்.ஏ. திறந்து வைத்தார். பள்ளி உதவி தலைமை ஆசிரியர் சூரியபிரம்மன் வரவேற்று பேசினார்.

விழாவில் கோவில்பட்டி யூனியன் துணைத் தலைவர் பழனிச்சாமி, ஆவின் கூட்டுறவு பால் உற்பத்தியாளர் சங்க தலைவர் தாமோதரன் மற்றும் நிர்வாகிகள் கலந்துகொண்டனர்.