கடைகளில் உணவு பாதுகாப்பு அலுவலர் ஆய்வு

திருப்பத்தூர் உணவு பாதுகாப்பு அலுவலர் பழனிச்சாமி நேற்று திருப்பத்தூர் பஸ் நிலையத்தில் உள்ள உணவு சார்ந்த கடைகளில் அதிரடி சோதனை நடத்தினார்.

மொத்தம் உள்ள 18 கடைகளில் 3 கடைகளில் உணவு பாதுகாப்பு உரிமம் புதுப்பிக்கப்படாமல் இருந்தது. அந்த கடைகளுக்கு ரூ.2 ஆயிரம் அபராதம் விதிக்கப்பட்டு எச்சரிக்கை நோட்டீஸ் அளிக்கப்பட்டது. 2 கடைகளில் தடை செய்யப்பட்ட பிளாஸ்டிக் கவர் ஒரு கிலோ பறிமுதல் செய்யப்பட்டது. அந்த கடைகளுக்கு தலா ரூ.2 ஆயிரம் அபராதம் விதிக்கப்பட்டது. மேலும் 2 கடைகளில் காலவாதியான இனிப்புகள் பறிமுதல் செய்து அழிக்கப்பட்டது.