பெண் கொலை வழக்கில் வாலிபரிடம் விசாரணை

பழனி அருகே உள்ள பெத்தநாயக்கன்பட்டியை சேர்ந்த தூய்மை பணியாளர் அன்னம்மாள். கடந்த மாதம் 19-ந்தேதி இவர், கொலை செய்யப்பட்டார். இதுகுறித்து பழனி தாலுகா போலீசார் வழக்குப்பதிவு செய்து விசாரணை நடத்தி வந்தனர். ஆனால் இந்த கொலை வழக்கில் துப்புத்துலங்காமல் மர்மம் நீடித்து வந்தது.

இந்த கொலையில் தொடர்புடையவர்களை விரைவில் கைது செய்யக்கோரி பல்வேறு கட்சியினர் போராட்டம் நடத்தினர். இந்தநிலையில் அன்னம்மாள் கொலை வழக்கு தொடர்பாக, பழனி பகுதியை சேர்ந்த சுமார் 32 வயது உடைய வாலிபர் ஒருவரை போலீசார் பிடித்து விசாரணை நடத்தி வருகின்றனர்.