பாலிடெக்னிக் மாணவர்களுக்கு நேர்முக தேர்வு

பாவூர்சத்திரம்:

பாவூர்ச்சத்திரம் எம்.எஸ்.பி. வேலாயுத நாடார் லட்சுமிதாயம்மாள் பாலிடெக்னிக் கல்லூரியில் எலக்ட்ரானிக்ஸ் அண்ட் கம்யூனிகேஷன் மற்றும் கம்ப்யூட்டர் என்ஜினீயரிங் இறுதி ஆண்டு படிக்கும் மாணவர்களுக்கு, பெங்களூரு ஸ்மார்ட் டி.வி. டெக்னாலஜிஸ் நிறுவனம் மூலம் வேலைவாய்ப்புக்கான நேர்முக தேர்வு நடைபெற்றது. இதில் கலந்து கொண்ட 23 மாணவர்களில் கணினி துறையை சேர்ந்த இசக்கிமணி, சூர்யா மற்றும் எலக்ட்ரானிக்ஸ் துறையில் மதன் ஆகிய மாணவர்கள் தேர்வு செய்யப்பட்டனர்.

இந்த மாணவர்களுக்கு பணி நியமன ஆணை வழங்கப்பட்டது. மாணவர்களை கல்லூரியின் தாளாளர் வி. காளியப்பன், ஆலோசகர் பாலசுப்பிரமணியன், முதல்வர் ரமேஷ் உள்பட பலர் பாராட்டினார்கள். நேர்முக தேர்வு ஏற்பாடுகளை கல்லூரி வேலைவாய்ப்பு அலுவலர் மணிராஜ் செய்து இருந்தார்.