மோட்டார் சைக்கிள் விபத்தில் ஐ.டி.ஐ. மாணவர் பலி

பாவூர்சத்திரம்:

பாவூர்சத்திரம் சந்தோஷ் நகரை சேர்ந்தவர் மாணிக்கவேல் மகன் சிவானந்தம் (வயது 20). இவர் கடையம் அருகே உள்ள ஒரு தனியார் ஐ.டி.ஐ.யில் படித்து வந்தார். இவர் நேற்று மோட்டார் சைக்கிளில் பாவூர்சத்திரத்தில் இருந்து கடையம் நோக்கி சென்று கொண்டிருந்தார். வி.ஏ.நகர் அருகில் சென்றபோது அவரது மோட்டார் சைக்கிள் முன்னால் சென்ற கார் மீது மோதியது. இதில் அவர் தூக்கி வீசப்பட்டு, எதிரே பாவூர்சத்திரம் நோக்கி வந்த கார் மீது விழுந்தார். இதில் சிவானந்தம் தலையில் பலத்த காயம் அடைந்து சம்பவ இடத்திலேயே பரிதாபமாக இறந்தார்.

இதுகுறித்து தகவல் அறிந்ததும் பாவூர்சத்திரம் போலீசார் விரைந்து சென்று, சிவானந்தம் உடலை மீட்டு பிரேத பரிசோதனைக்காக தென்காசி அரசு ஆஸ்பத்திரிக்கு அனுப்பி வைத்தனர். மேலும் வழக்குப்பதிவு செய்து விசாரணை நடத்தி வருகின்றனர்.