வீட்டில் தூங்கிய நர்சிடம் நகை பறிப்பு

மேச்சேரி:

மேச்சேரி ஒர்க் ஷாப் காலனியை சேர்ந்தவர் ரவி. இவருடைய மனைவி மோகனப்பிரியா (வயது 39). இவர் நாமக்கல் அரசு ஆஸ்பத்திரியில் நர்சாக பணிபுரிந்து வருகிறார். சம்பவத்தன்று இரவு வழக்கம்போல் வீட்டின் முன் கதவை உள்புறம் பூட்டி விட்டு, பின்புற கதவை தாழ் போடாமல் சாத்திவிட்டு மோகனப்பிரியா படுத்து தூங்கிக்கொண்டிருந்தார். நள்ளிரவில் வீட்டுக்குள் புகுந்த மர்ம நபர் தூங்கிக் கொண்டிருந்த மோகனப்பிரியாவின் கழுத்தில் அணிந்து இருந்த 2 பவுன் நகையை பறித்துக்கொண்டு ஓடினார். உடனே அவர் சத்தம் போடவே கணவர் ரவி எழுந்து பார்த்த போது மர்ம நபர் ஓடிவிட்டார். இது குறித்த புகாரின் பேரில் மேச்சேரி போலீசார் வழக்குப்பதிவு செய்து விசாரணை நடத்தி வருகின்றனர். மேலும் தப்பி ஓடிய நபரை வலைவீசி தேடி வருகிறார்கள்.