கர்நாடக மாநில மது பாக்கெட்டுகள் விற்றவர் கைது

நாட்டறம்பள்ளி போலீஸ் இன்ஸ்பெக்டர் சாந்தி, சப்-இன்ஸ்பெக்டர் முனிரத்தினம் மற்றும் போலீசார் நாட்டறம்பள்ளி உள்ளிட்ட பல்வேறு பகுதிகளில் ரோந்து பணியில் ஈடுபட்டனர். அப்போது போலீசாருக்கு நாட்டறம்பள்ளி பஸ் நிலையம் அருகே உள்ள ஒரு ஓட்டலில் கர்நாடக மாநில மது பாக்கெட்டுகள் விற்பனை செய்வதாக தகவல் கிடைத்தது.

அதன்பேரில் போலீசார் விரைந்து சென்று ஓட்டலில் சோதனை செய்தனர். அப்போது கர்நாடகா மாநில மது பாக்கெட்டுகள் விற்பனை செய்த வாணியம்பாடி அருகே தெக்குப்பட்டு பகுதியை சேர்ந்த மலைச்சாமி (வயது 50) என்பவரை ைகது செய்தனர். மேலும் அவரிடமிருந்து 90 மில்லி கொள்ளளவு கொண்ட 288 மது பாக்கெட்டுகள் பறிமுதல் செய்தனர்.

இதுகுறித்து போலீசார் வழக்குப்பதிவு செய்து, மலைச்சாமியை திருப்பத்தூர் கோர்ட்டில் ஆஜர்படுத்தி சிறையில் அடைத்தனர்.