கட்டாரிமங்கலம் சிவன் கோவிலில் பிரதோஷ சிறப்பு வழிபாடு

தட்டார்மடம்:

சாத்தான்குளம் தாலுகா பேய்க்குளம் அருகே அமைந்துள்ள நடராஜரின் பஞ்ச விக்ரக ஸ்தலம் கட்டாரிமங்கலம் சிவகாமி அம்பாள் சமேத அழகியகூத்தர் கோவிலில் ஆனி மாத பிரதோஷ பூஜை நடைபெற்றது. இதை முன்னிட்டு வளாகத்தில் அமைந்துள்ள நந்தியம் பெருமானுக்கு மாலை 4 மணிமுதல் பல்வேறு வகையான அபிஷேகம், தொடர்ந்து அலங்கார பூஜை, சிறப்பு தீபாராதனை நடைபெற்றது. மாலை 5 மணிக்கு சுவாமி சப்பரத்தில் எழுந்தருளி பிரகார வலம் வருதல் தொடர்ந்து பல்வேறு வகையான பூஜைகள் நடைபெற்றது. இதில் திரளான பக்தர்கள் பங்கேற்று சாமி தரிசனம் செய்தனர்.