தர்மபுரியில் பிளஸ்-1 மாணவி கடத்தல்

தர்மபுரி:

தர்மபுரி நேரு நகர் பகுதியை சேர்ந்த 15 வயது மாணவி அரசு பள்ளியில் பிளஸ்-1 படித்து வருகிறார். இவர் திடீரென வீட்டிலிருந்து மாயமானார். பல்வேறு இடங்களில் தேடி பார்த்தும் அவரை கண்டுபிடிக்க முடியவில்லை. இதனால் அதிர்ச்சி அடைந்த மாணவியின் பெற்றோர் தர்மபுரி அனைத்து மகளிர் போலீஸ் நிலையத்தில் புகார் அளித்தனர். அதில் செந்தில்நகரை சேர்ந்த ஒரு வாலிபர் தங்கள் மகளை கடத்தி சென்று இருப்பதாக தெரிவித்துள்ளனர். இதுதொடர்பாக அனைத்து மகளிர் போலீசார் வழக்குப்பதிவு செய்து மாணவி மற்றும் வாலிபரை தேடி வருகிறார்கள்.