பள்ளி ஆசிரியை கடத்தலா? போலீசார் விசாரணை

வடகாடு அருகேயுள்ள மாங்காடு மணப்புஞ்சை பகுதியை சேர்ந்தவர் ராசேந்திரன். இவரது மகள் பிரதா (வயது 28). இவர் அறந்தாங்கி அருகேயுள்ள அலஞ்சிரங்காடு பகுதியில் உள்ள தனியார் பள்ளியில் ஆசிரியையாக பணியாற்றி வந்தார். இந்த நிலையில் நேற்று முன்தினம் பள்ளிக்கு சென்ற பிரதா வீட்டிற்கு திரும்பி வரவில்லை. இதையடுத்து அவரை பல்வேறு இடங்களில் தேடி பார்த்தும் அவர் கிடைக்கவில்லை. இதுகுறித்து ராசேந்திரன் வடகாடு போலீஸ் நிலையத்தில் புகார் கொடுத்தார். அதன்பேரில், போலீசார் வழக்குப்பதிவு செய்து பிரதாவை யாரும் கடத்தி சென்றனரா? என்பது உள்பட பல்வேறு கோணங்களில் விசாரணை நடத்தி வருகின்றனர்.