லாரி மோதி தொழிலாளி சாவு

சாயல்குடி,

சாயல்குடி அருகே நரிப்பையூர் ஊராட்சி வெள்ளப்பட்டி கிராமத்தைச் சேர்ந்தவர் சவரிமுத்து (வயது 50). தொழிலாளி. இவர் நேற்று இருசக்கர வாகனத்தில் நரிப்பையூர் பகுதிக்கு சென்று விட்டு மீண்டும் வெள்ளப்பட்டி கிராமத்திற்கு செல்வதற்காக கிழக்கு கடற்கரை சாலையில் சென்றார்.

அப்போது சாயல்குடியில் இருந்து தூத்துக்குடி நோக்கி சென்ற லாரி இருசக்கர வாகனத்தில் மோதியதில் சவரிமுத்து தலையில் அடிபட்டு சம்பவ இடத்திலேயே பலியானார். இது தகவல் அறிந்ததும் சாயல்குடி இன்ஸ்பெக்டர் ஜெய்சித்ரா, மற்றும் போலீசார் சவரிமுத்து உடலை கைப்பற்றி கடலாடி அரசு மருத்துவமனைக்கு பிரேத பரிசோதனைக்கு அனுப்பி வைத்தனர். இது குறித்து சாயல்குடி போலீசார் விசாரணை நடத்தி வருகின்றனர்.