லாரி மோதி தொழிலாளி பலி

தர்மபுரி மாவட்டம் தளவாய்அள்ளி கிராமத்தை சேர்ந்தவர் தங்கவேல் (வயது 48). தொழிலாளியான இவர் நல்லம்பள்ளியை சேர்ந்த கிருஷ்ணன் (57) என்பவருடன் கிருஷ்ணாபுரம் அருகே மோட்டார் சைக்கிளில் சென்று கொண்டிருந்தார். அந்த வழியாக சென்ற மினி லாரி, மோட்டார் சைக்கிள் மீது மோதியது. இதில் மோட்டார் சைக்கிளின் பின்னால் அமர்ந்து வந்த தங்கவேல் நிலைதடுமாறி கீழே விழுந்தார். அவர் மீது லாரியின் சக்கரம் ஏறியது. இதில் படுகாயம் அடைந்த தங்கவேல் சம்பவ இடத்திலேயே உயிரிழந்தார். இந்த விபத்தில் கிருஷ்ணனுக்கு லேசான காயம் ஏற்பட்டது. தகவல் அறிந்த கிருஷ்ணாபுரம் போலீசார் சம்பவ இடத்திற்கு சென்று தங்கவேல் உடலை மீட்டு பிரேத பரிசோதனைக்கு அனுப்பி வைத்தனர். விபத்து தொடர்பாக போலீசார் வழக்குப்பதிவு செய்து மினி லாரி டிரைவரை தேடி வருகின்றனர்.