லாரி மோதி தொழிலாளி சாவு

காங்கயம்

நாமக்கல் மாவட்டம் ஆலம்பாளையம் காவேரி பகுதியை சேர்ந்தவர் கண்ணன்பாண்டியன் (வயது 52). சமையல் வேலை செய்து வந்தார். இந்த நிலையில் சமையல் வேலைக்காக நேற்று முன்தினம் காங்கயம் பகுதிக்கு வந்துள்ளார். பின்னர் காங்கயம் - திருப்பூர் சாலை பகுதியில் நடந்து சென்றுள்ளார். அப்போது அவருக்கு பின்னால் வேகமாக வந்த டிப்பர் லாரி கண்ணன்பாண்டியன் மீது மோதியது. இதில் பலத்த காயம் அடைந்த அவரை மீட்டு சிகிச்சைக்காக காங்கயம் அரசு மருத்துவமனைக்கு அனுப்பி வைத்தனர். அங்கு முதலுதவி சிகிச்சை அளிக்கப்பட்டு பின்னர் மேல் சிகிச்சைக்காக திருப்பூர் அரசு மருத்துவமனைக்கு கொண்டு செல்லப்பட்டார். அங்கு சிகிச்சை பலனின்றி பரிதாபமாக உயிரிழந்தார். இந்த விபத்து குறித்து காங்கயம் போலீசார் வழக்குப்பதிவு செய்து விசாரணை நடத்தி வருகின்றனர்.

---------------