லாரி மோதி தொழிலாளி பலி

கரூர்

கரூர் எல்.என்.எஸ். கிராமம் அம்பாள் நகரை சேர்ந்தவர் ராமநாதன் (வயது 54). கூலி தொழிலாளி. இவர் நேற்று முன்தினம் கரூர் பைபாஸ் அணுகுசாலை அருகே பெட்ரோல் விற்பனை நிலையம் அருகே நடந்து சென்று கொண்டிருந்தார். அப்போது அவ்வழியாக வந்த ஒரு லாரி ராமநாதன் மீது மோதியது. இதில் தூக்கி வீசப்பட்ட அவர் சம்பவ இடத்திலேயே பரிதாபமாக இறந்தார். இது குறித்து தகவல் அறிந்த கரூர் டவுன் போலீஸ் இன்ஸ்பெக்டர் செந்தூர்பாண்டியன் தலைமையிலான போலீசார் சம்பவ இடத்திற்கு வந்து ராமநாதன் உடலை கைப்பற்றி பிரேத பரிசோதனைக்காக கரூர் அரசு மருத்துவக்கல்லூரி மருத்துவமனைக்கு அனுப்பி வைத்தனர். இந்த விபத்து குறித்து போலீசார் வழக்குப்பதிந்து விசாரணை நடத்தி வருகின்றனர்.