மது விற்றவர் கைது

கழுகுமலை:

கழுகுமலை செந்தூர்நகர் பகுதியில் சிறப்பு சப்-இன்ஸ்பெக்டர் சுப்புராஜ் மற்றும் போலீசார் ரோந்து சென்றனர். அப்போது கழுகுமலை விநாயகர் காலனி தெருவை சேர்ந்த முத்துவேல் (வயது 57) என்பவர் சட்டவிரோதமாக மது விற்றதாக போலீசார் அவரை கைது செய்தனர். மேலும் கரிசல்குளம் வடக்கு தெருவை சேர்ந்த கொடுங்கால் பாண்டியன் மகன் ஸ்டாலின் (36) என்பவர் மீது மது விற்றதாக போலீசார் வழக்குப்பதிவு செய்தனர்.

இதேபோல் கழுகுமலை ஆறுமுகம் நகர் பகுதியில் சிறப்பு சப்-இன்ஸ்பெக்டர் ராஜ்மோகன் மற்றும் போலீசார் ரோந்து சென்றனர். அப்போது ஓடைக்கடை பகுதியில் ஆறுமுகம் நகரைச் சேர்ந்த கந்தசாமி மகன் முருகன் (வயது 47), கழுகுமலை யாதவர் தெருவை சேர்ந்த சின்னதுரை மகன் செல்வகுமார் (20) ஆகியோர் மது விற்றதாக வழக்குப்பதிவு செய்தனர்.