மது விற்றவர் கைது

பந்தலூர்,

பந்தலூர் தாலுகா பந்தக்காப்பு பகுதியில் சட்ட விரோதமாக மது விற்பனை செய்வதாக நெலாக்கோட்டை போலீசாருக்கு ரகசிய தகவல் கிடைத்தது. இதையொட்டி சப்-இன்ஸ்பெக்டர் முருகேசன் தலைமையில் போலீசார் சம்பந்தப்பட்ட பகுதிக்கு சென்று சோதனை நடத்தினர். அப்போது பந்தக்காப்பு பகுதியை சேர்ந்த விஜயகுமார் (வயது 56) என்பவர் ஸ்கூட்டரில் 20 மது பாட்டில்களை அதிக விலைக்கு விற்பது தெரிய வந்தது. தொடர்ந்து ஸ்கூட்டர் மற்றும் மதுபாட்டில்களை போலீசார் பறிமுதல் செய்தனர். இதுதொடர்பாக விஜயகுமாரை போலீசார் கைது செய்தனர்.