ஓசூரில் மண் கடத்திய 6 லாரிகள் பறிமுதல்

ஓசூர்:

ஓசூர் ஆவலப்பள்ளி கிராம நிர்வாக அலுவலர் உமாதேவி மற்றும் அதிகாரிகள் சர்க்கார் ஏரி பகுதியில் ரோந்து சென்றனர். அப்போது அங்கு கேட்பாரற்று நின்ற 4 லாரிகளை சோதனை செய்தபோது, அதில் அனுமதியின்றி 100 யூனிட் மண் கடத்தியது தெரிய வந்தது. இதையடுத்து உமாதேவி கொடுத்த புகாரின்பேரில் ஓசூர் அட்கோ போலீசார் 4 லாரிகளையும், பறிமுதல் செய்தனர். சேலம் கனிம வள பிரிவு உதவி புவியியலாளர் பிரியா தலைமையில் அதிகாரிகள் பூனப்பள்ளியில் ரோந்து சென்றனர். அங்கு சோதனைச்சாவடி அருகே மண் கடத்தி வந்த லாரியை பறிமுதல் செய்தனர். இதேபோல் தொடுதேப்பள்ளியில் மண் கடத்திய லாரியும் பறிமுதல் செய்யப்பட்டது.