பாப்பிரெட்டிப்பட்டி பஸ் நிலையத்தில் லாட்டரி விற்ற பெண் கைது

பாப்பிரெட்டிப்பட்டி:

பாப்பிரெட்டிப்பட்டி பஸ் நிலையத்தில் போலீஸ் இன்ஸ்பெக்டர் லதா மற்றும் போலீசார் ரோந்து பணியில் ஈடுபட்டனர். அப்போது பெண் ஒருவர் தடை செய்யப்பட்ட லாட்டரி சீட்டுகளை விற்பனை செய்வது தெரியவந்தது. அவரை பிடித்து போலீசார் விசாரித்தனர். அப்போது அவர் பாப்பிரெட்டிப்பட்டியை சேர்ந்த மஞ்சுளா (வயது 55) என்பது தெரியவந்தது. இதையடுத்து அவரை போலீசார் கைது செய்து, ரூ.5 ஆயிரத்து 720-ஐ பறிமுதல் செய்தனர்.