மகாகாளியம்மன் கோவில் குடமுழுக்கு

குத்தாலம்:

குத்தாலம் காளியம்மன் கோவில் தெருவில் மகாகாளியம்மன் கோவில் உள்ளது. இந்த கோவிலின் திருப்பணிகள் செய்து முடிக்கப்பட்டு குடமுழுக்கு விழா நடந்தது. முன்னதாக அனுக்ஞை, விக்னேஸ்வர பூஜை, கணபதி ஹோமம், வாஸ்து சாந்தி, யாகசாலை பூஜைகள் நடந்தது. இதை தொடர்ந்து கடங்கள் புறப்பாடாகி கோவிலை வலம் வந்து விமான கலசத்தை அடைந்தது. பின்னர் கோவில் கலச கோபுரங்களில் புனித நீர் ஊற்றப்பட்டு குடமுழுக்கு நடந்தது. இதில் திரளான பக்தர்கள் கலந்து கொண்டு சாமி தரிசனம் செய்தனர். விழா ஏற்பாடுகளை கோவில் நிர்வாகத்தினர், இளைஞர் நற்பணி மன்றத்தினர், காளியம்மன் கோவில் தெரு கிராமமக்கள் சிறப்பாக செய்திருந்தனர்.